ازاي تحافظ علي لياقتك في رمضان و تخس كمان _مدونه لياقتك

ازاي اخس في رمضان ؟ 

طيب اول حاجه كده  

رمضان هو الفرصه الذهبيه اننا نخس فيه و نحرق الدهون و ممكن نوصل لدرجة تنشيف عاليه كمان 

اول حاجه ازاي اخس في رمضان؟

عملية حرق الدهون هي عمليه سهله جدا كل اللي انت محتاجه 
( نظام غذائي _ كارديو _ جيم _ نوم كويس ) 

بدا بالنظام الغذائي 
اول حاجه ع الفطار : انت محتاج اول فطار ليك سنة عن النبي صلى الله عليه و سلم 
انك تاكل 3 تمرات في كوباية مايا .بعديها بشويه حتبدا ع الفطار بتاعك

يفضل سمكه مشويه مع نصف طبق رز بني 
اشمعنا السمك المشوي : 
لان السمك المشوي فيه اققل نسبة دهون بين كل انواع اللحوم .
ورز بني لانه كارب معقد حيمد جسمك بالطاقه الي انت محتاجها لتمارينك الرياضيه يوميا 

انت في التخسيس او التضخيم جسمك محتاج كاربوهيدرات 
الكاربوهيدرات دي بناخدها من النشويات المعقده زي الرز البني و الشوفان و البطاطا و البطاطس المهروسه و العيش البني ( الاسمر ) بكميات معتدله
اللي بيتحكملك في جسمك ناحية تضخيم او تخسيس هو كمية النشويات اللي داخله جسمك في المقام الاول 

كده قلنا الفطار 
سمك مشوي مع نص طبق رز بني ( حوالي 10 - 12 معلقه رز مثلا ) 
البديل بتاعه
انك تاكل شوربة خضار مع صدر فرخه  وشربه الخضار عامل زي حبه الفيتامين

بعد التراويح تقدر تتنزل تتمرن 
حيكون جسمك فيه Circulating Nutrients يعني 
مواد غذائيه ( من امينو و جلوكوز ) بتدور ف الدم و حتغذي عضلاتك و حتديك طاقه وقت التمرين

بعد التمرين حتاخد موزايه واحده بس 
ولما تروح البيت حتاكل علبة تونه دايت مع نص رغيف عيش اسمر

ع السحور ؟
طبعا اهم وجبه ( و غلط جدا جدا الناس اللي بتفوت الوجبه دي ).ا يه اهم حاجه في السحور ناكلها 

هي قطعة جبنه قريش ( 100 جرام ) مثلا مع رغيف عيش اسمر و 3 بياض بيض مهروسين ع الجبنه القريش و سلطه 
تعالو نفهم الوجبه دي فيها ايه زي ما كل وجبه بنتكلم عليها بالتفصيل
اولا الجبنه القريش ( Cottage cheese ) 
دي فيها بروتين بطىء الامتصاص اسمه Casein Protein 
البروتين ده بيمد الجسم لفترات طويله جدا تصل ل 10 او 12 ساعه بالمواد الغذائيه على مدار صيامك
و الجبنه القريش فيها Low-Carb Content 
يعني نسبة قليله جدا من النشويات عشان كده هي الخيار الامثل في فترات التخسيس او التنشيف و بعد كده تاكل تمره او تلاته و تشرب ميه طبعا الميا هي بتمثل اساس اي عمليه سواء رايح ناحية التخسيس او التضخيم 
لانها بتحفز عملياة الايض الحيويه في جسم الانسان ( Metabolism ) 
الميا هي الاساس بتاعك
حشرب امتى ؟ 
ع السحور 
وقت التمرين و انت بتتمرن على هيئة رشفات مياه صغيره لان الجسم بيكون Dehydrated و محتاج ميا تعوض 

ايه احسن انواع حوارق دهون طبيعيه : ؟
1- : عندك مشروب القرفه بالجنزبيل ممكن تاخده قبل التمرين 
2-: زبادي خالي الدسم عليها نص لمونه قبل النوم بنص ساعه 
الدراسات اثبتت ان الزبادي خاالي الدسم قبل النوم على معده فاضيه بتعلي مستوى الحرق للضعف و بتعلي هرمون ال Growth Hormone خصوصا لو تم اكلها قبل النوم ع معده فاضيه و قمت بالذهاب للنوم قبل الساعه 12 
3- الشاي الاخضر Green Tea ممتاز جاد لحرق الدهون ممكن تشرب كوبايه بعد الفطار بدل الشاي الاسمر 
4- القهوه ما قبل التمارين الرياضيه باعتدال مميزه جدا ف حرق الدهون و رفع التركيز و الطاقه  

التمارين

هي تمارين الكارديو
الكارديو يعني نط الحبل و الجري و المشايه و السباحه و التمشيه و تمارين الصباح و غيرها
دي ممتازه جدا جدا جدا ف حرق الدهون
بتكون 3 مرات اسبوعيا او 4 مرات حسب وقت حضرتك
و كل مره بتكون من 15 ل 30 دقيقه حسب رغبتك .اكيد طبعا لو عاوز تخس و ميحصلكش ترهلات 

اكيد لازم تلعب جيم و تشيل حديد 
لان لما حجم العضلات بيزيد نسبة الدهون بتقل معاها و بتشد طبقة الجلد و بيقلل حدوث الترهلات وتقدر تستعمل مكمل غذائي في رمضان

زي ال Casein Protein بتاخد منه سكوب ع السحور .مكن تستعمل المكملات دي 

ISO 100 _ Hydro-Pure _Hydro-HD _ NitroTech افضل وقت انك تاخدهم هو 

قبل الفطار و بعد التمرين .

التزم بكل اللي فات ده و حتلاقي نتايج كل اسبوع خصوصا في رمضان عشان الحرق بيكون عالي جدا 
كل اللي فات ده مش حيعمل حاجه بدون نظام غذائي محترم 
تمنع سكريات _ حلويات _ اي نوع مشروبات غازيه _ شوكولاته _ بسبوسه _ هريسه _ محشي البيض المقلي _ زيوت الاكل وغيره 

دكتور احمد فندي   واي سوال اتركه في التعليقات

شاركه على جوجل بلس

عن Unknown